الشاعر الغنائي
لحسن بوعاد
------------------------------
في قلبي سر مدفون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خايف نبوح باسراري
وبين الناس تشيع اخباري
صغيرة ومـــــا بــــيدي حيلة
واش نحكي ليك يا الميمة
أولا نبقى ســـــاكة ديما
بغيت نحكي الأســـــرار
عايشة شاعلة في نار
ولا منكم جاب أخبار
صغيرة ومن ذبحني غذار
مــن ناسي ولحمي ودمي
زادني الهم وأنت فهمي
في شبابي غصبني و خلاني
عايشة نقاسي و نعاني
ما خـــــــاف الله وحشم
ولا راعــــــــــى لي وندم
أسباب جرحــــــي خويا
ولـــد أمي و بــــــــــــويا
غصبني في لحظة طيش
ما فكر كــــــــيف نعيش
صغيرة ما بيدي حيلة
دمرني ما بين نهار و ليلة
بحالي شحال أولاد صغار
لــــــعزاز كواوهم بالنار
من الأب والخو والعم و الخال
تغصبو صبيان شحال
خوفهم من الله قلال
ما فرقو بين الحرام و الحلال
بلا عــــــــقل ولا ضمير
حتى البكمة فيهم تحير
لبسو لباس الشــــيطان
نساو الحديث و القرآ ن
واش نحكي ليك يا الميمة
ولا نبقى ســاكة ديما
جرحي ما ليه طــــبيب
خــــويا أسبابي في التعذيب
شكون يصدق و يتــيق
و الذيب خـــــويا الشقيق
غصبني في لحظة طــــيش
وما فـــــكر كيف نعيش
ليست هناك تعليقات:
إرسال تعليق