بقلم الشاعر\\#محمدلطفي_ابوالفتوح
=======================
قدرتي ................2018/2/23
قدرتي علي كل دا
طب لية قلبي انا ما قدرش
الحب الكبير انتهى
ولية حبك جوايا ما صغرش
قلبي قولي ازاي تحمل
قلبك الفراق وقدر
ولية انا موش قادر اكمل
وعاصى لما تسمية قدر
الغياب كان بكيفك
كان بإيدك ترفضية
لية استسلمتي لخوفك
وعالفراق قدرتي لية
عشت حلمي مرة اشوفك
اكون لكي كل امانك
تحججتي انتي بظروفك
وعاملتي القلب كانه خانك
عمر الحب ما فية خيانة
الحب صدق الحب امانة
هيجي يوم وترجعلها
اللي حبيتها دي انسانة
اللي حبيتها دي انسانة
ما اقدرش اوفي وصفي فيها
ان قبلت لية يوم اهانة
اكيد كدب خارج من عنيها
صابر للقدر الحقيقي
اللي حصل كان اختيارك
لسه انتي صوب طريقي
لسه لليلي طالع نهارك
لسه لفجري يوم شروق
بيكي يا شمسي الحبيبة
منتظر وكلي شوق
وحلمي الاقيكي القريبة
ليست هناك تعليقات:
إرسال تعليق