،،،،،،،،،،،،،،،،،،،،،،،،،،،، جمال الشاعر
،،،،،،،،،،،،،،،،،،،،،،، حلم ،،،،،،،،،،،،،،،،،،،،،،
قابلتيني
وقلتي لي
بقالك فين زمان غايب
وانا رديت بنظرة عين
كنتي غايبة عني فين
سنين فاتت وانا وحدي
وبشكي للنجوم وجدي
وتايه بين رموش العين
ومالي في الغرام نايب
وقابلتك
وعمري رجع لي من تاني
وفي عيونك لقيت روحي
خلاص مابقتش وحداني
بنظرة واحدة فجأة لقيت
سهمك في الحشا صايب
وقلتي لي
حبيب عمري
يلا اللي فات ننساه
وخليك جنبي وف حضني
وخد قلبي وعيش جواه
رسمنا لحلمنا صورة
بياسمينة وعصفورة
وبيت علي قد أحلامنا
ونسينا مرارة الآه
ليست هناك تعليقات:
إرسال تعليق