الشاعر / احمد ابراهيم
*******************
يكتب بقيت درويش
*****************
بقيت درويش
على بابك وهلبس خيش
وهجمع من فتات العيش
وهتجنّن وعقلي يطير
اعيش مجنون مع المجانين
واعيش واحد من الحرافيش
على عتبة بيبان جرحك
واعيش مولد لياليكي
واتمرمغ على ترابك
ولا مسمحك
والعن كل يوم ديكي
والعن قلب عاش ليكى
على جمرة
جهنم انتى الحمرا
ونارك صيف بتلسعني
ولا لاقي في يوم ظله
ولا شجرة
وعايش بس ع القدرة
واناديكى ولا ليكي
ودان سمعه
واه يا سمرة من يومك
ده يومك ويل
واه يا سمرة من ضؤك سراب خافت
ظلام عايش فى بيت خفافيش
واه منك واه من كل ايامك ماليها نفاق
وكام كدبة كدبتيها
ولسه الفجر بيعاند طلوع شمسي
وامتى يا سمرة هتحسّي
وتهتمّي ده زاد الظلم زاد كافي
على اكتافي ما زاد حملّي
ولا باين طلوع الفجر ولا عارف انا قدري
معاكي كل شئ مايل ولا كفة ميزان عادل
وانا فارد شباك صبري
واه يا سمرة متخفّي عليا الحمل
ده انا الساكن مع يأسي
وشايل فيكى تل الصبر
وعقلي اتجن بقيت درويش
مع الحرافيش فتات العيش على الرصفان
واه يا سمرة من ليلك مالهوشي امان
************************
ليست هناك تعليقات:
إرسال تعليق