الشاعر الغنائي....لحسن بوعاد
/////////////////////////////////////////
كل الايام عيد يا حب
،،،،،،،،،،،
شكون نطق واصدر لحكام
وعطى للحب يوم في العام
كيف نطق بها بلا تخمام
شكون تكلم بلا شوار
انطق بالحكم و اختار
وعطى للحب غير نهار
حرام عليك ياقاضي ؤ عار
الحب ساكن لقلوب على الدوام
به تحلى سوايع ليام
الله يبليك يا ظالم لغرام
تعيش به نهار وقلبك يتلام
بالله عليكم يا عشاق
العايشين الحب بلا نفاق
واش قلوبكم تسخى بالفراق
ومن الحب يعيش نهار
وغيركم من احكم واختار
وهو ما عندو اخبار
خلى لقلوب شاعلة فيها نار
حلاوة الحب ما بحالها حلاوة
به القلوب ترتاح وتداوى
ويعيشو العشاق بلا عداوة
الفرحة في حياتهم سوا
يا قاضي الحب ماشي غير يوم
وعليه تسمع كلام ولوم
وهو الساكن قلبك ؤسرك مكثوم
ليست هناك تعليقات:
إرسال تعليق