//////////////////////////
اله الحب .............2017/12/19
اقفل خلاص الستار
سودلي حتي النهار
علشان حبيتك انا
شربت كل المرار
شربت كسات العلقم
لحب كان عقيم
شربت وممنوع اتكلم
اقول الظلم دا عظيم
احجب شعاع الشمس
اطفي كل الشموع
ممنوع انا م الهمس
مالموت ملوش رجوع
إقتلني الحي بالحيا
واترك الروح تفرفر
الموت هو الدواء
غصب يا قلبي غرغر
حتى حقك في الشهادة
خلاص مكتوب تموت كافر
حب عبدته أجل عبادة
والاله لعبدتك مهوش قابل
في صلاتي أقمت قداس
إستخسرت فية الانفاس
قولت لعزرائيلك الان انهض
أقبض الروح وخلاص
وقفت بخشوع أنا في بيتك
نفذت بقوة قسوتك
اله الحب بعد ما وفيتك
تطردني خارج رحمتك
سماك الصافية غيمت
والغيث كان حمم نار
كما ابرهه أنا سلمت
لإني ممنوع م الإستغفار
في صلاتي أقمت قداس
وتسابيح لذكر إسمك
صابتني لعنة الماس
من مؤمن يمدح في حسنك
ياريتني ما كنت امنت
بيك اله الحب
وزي الفئه الضاله فهمت
انك اله كدب
إنك اله كدب .....
ليست هناك تعليقات:
إرسال تعليق