كان نفسي بقلم محمد البريمى

شعر غنائى ..
( كان نفسى )
كان نفسى أصدق كلامك .. لكن يا خساره ..

كان غدرك  أكبر ..

أعمل إيه  ف  طيبة قلبى ..

لو شافك بيحن أكتر ..

            كان نفسى  ..

كنتى بتبينى الإخلاص .. و جوه قلبك مليان ..

كدب و غيره و خداع .. صحيح مالكيش أمان ..

كنت بأحاول أكسب ودك .. و أديلك حنان بزياده ..

و أسامح و أخلص ف حبى  .. من طبعى الرياده ..

            كان نفسى ..

أزرع الورد علشانك .. و أقطفه بإيديا ..

و إنتى تخليه شوك .. بدل الحنيه ..

أبنيلك أمال و أعلى .. و تانى يوم تهدى ..

و أفرشلك ع الأرض رمشى .. و أقولك يلا خطى  ..

            كان نفسى ..

لأول مره بقولهالك  ..  ونا بأدفع التمن  ..

قصاد حبى ليكى  .. عذاب و شجن ..

صدق المثل اللى قال .. كيد النسا غلب كيد الرجال ..

ونا بريئ من حبك .. ليوم الترحال ..

           كان نفسى ..

بقلم الشاعر ..
محمد البريمى ..