يا نسمه روحي بقلم الشاعر محمد البريمى

شعر غنائى .
.( يانسمه روحى )
يا نسمه روحى لحبيبى .. و بلغيه شوقى و سلامى ..

و قوليله و إحكيله .. عن حبى و هيامى ..

دا حبه ف قلبى .. من سعد أيامى ..

و حنينى إليه .. كل مرامى ..

          يا نسمه روحى ..

لو عدى طيفه من غير م أشوفه .. أسهر م أنام ..

ويطول ليلى و عذابه  .. ف عتاب و خصام ..

و أخاف  للوقت يعدى ..  قبل م يخلص  الكلام ..

و يودعنى هوه .. و يقولى سلام ..

           يا نسمه روحى ..

تملى بتيجى على بالى ..  طلته ..

و أشتاق  كتير ..  لهمسه و ضحكته  ..

بتفرح قلبى ودقاته .. و بتملا   حياته و دنيته ..

و تهون عليه أهاته ..  و تمسح دمعته ..

          يا نسمه روحى ..

دى  النظرة من طلة عينه .. هنا و سرور ..

و اللمسه الواحده من  إيده  .. عبير و زهور ..

عنب حبيبى و عناقيده .. لألألئ من نور ..

تزيده جمال على جماله ..  يهل  النور ...

          يا نسمه روحى ..

بقلم الشاعر محمد البريمى ..