حبيبي الغالي بقلم الشاعر محمد البريمى

شعر غنائى .
( حبيبى الغالى )
حبيبى الغالى أخبارك إيه .. طمنا عليك ..

عامله إيه الدنيا معاك  .. و فين أراضيك ..

من يوم  غيابك عننا .. و إحنا ف سؤال و جواب ..

لا القلب تاب و إتهنى .. ولا شاف أحباب ..

          حبيبى الغالى ..

ياترى فاكرنا ولا ناسينا  .. ولا إحنا مش ع البال ..

دا الغياب طول علينا .. و الشوق زاد و طال ..

يا خوفى للهوى .. يشغل قلبك و ينسيه ..

طعم الشوق و حلاوته .. و  أيامه و  لياليه ...

         حبيبى الغالى ..

آه لو تعرف قد إيه ..  إنت غالى ع القلوب ..

ساكن ف العين و الننى .. و عن حبك لم  نتوب ..

إبعد و إنسى  على كيفك .. و طول ف البعاد ..

مش هتقدر تبعد طيفك .. ولا تمنع السهاد ..

         حبيبى الغالى ..

بقلم الشاعر محمد البريمى