مستحيل تنساني بقلم الشاعر السيد علي القن

قصيدة

((((  مستحيل تنساني  )))))
 
مستحيل اللي زرعته
جوه منك من سنين
ضاع ما بينا ف لحظتين
مستحيل تنسي بسهوله
 تنسي حكايات الطفوله
مستحيل تنسي اهاتي
ولا دمعي  و حكاياتي
ولا حبي و  ذكرياتي
انت مش محتاج اقولك
قلبي حبك  اد  ايه
 والا ضحي اد  أيه
قلبي ربي فيك وعلم
وجوه قلبك كنت  بكبر
وياما نمت  جوه حضني
وياما نمت جوه حضنك
ياما نمت ف الحنين
وياما غنيت لك اغاني
وياما طمنتك ليالي
مستحيل تبيع هوايا
وذكرياتك يوم  معايا
كل دا علشان عاتبتك
كل دا علشان بغير
حقي اني عليك اغير
انت عارف حبي ليك
أد ايه    حب   كبير
طب خلاص قررت تبعد
ماشي جرب لو هتقدر
بس راجع قبله قلبك
مستحيل ابدا هتقدر
واوعي تبكى او تفكر
أن يوم هاانسي وهااغفر
انت ليه بحبنا دايما بتكفر
ما احنا ياما دقنا مر
شفنا صعب ودقنا صبر 
بس حضني ف الآخر تبات
تنسي كل حاجه من سكات
بنكته مني وضحكه منك
لمسه مني وهمسه منك
وانت بتنام جوه قلبي
كنت أحلم بيك   معايا
كنت تحلم بي  معاك
كنت أغمض لأجل  اشوفك
وأما افتح برده  اشوفك
كنت بتداري كسوفك
وانت بتفتح  عنيك
والهوي باين عليك
كل ده وحاجات كتير
مهما احكي لك ياطير
قلبك انت قلب غير
كله حب وكله خير
دا انت قلبك قلب طير
ياما علمته يطير
جوه قلبى بجناحات
كنت عامل قلبي عش
والضلوع تبقي له قش
وانت بتنام بالساعات
مستحيل ياحبيبي تقدر
تنسي كل الذكريات
حاول انت طب و جرب
واوعي تندم ع اللي فات

كلمات الشاعر / السيد علي القن