بحبك يا بلادي بقلم عبدالمنعم عدلى

بحبك يابلادى
عبدالمنعم عدلى..مصر
بحبك ياأمى
بحلوك ومرك
وشمسك وظلك
بحبك ياأمى
بخيرك وشرك
وناسك الطيبين
بحبك ياأمى
فى دفيرة
بنوته حلوه
وهى راحه المدرسه
بحبك ياأمى
وبحب نيلك
ساعة عصريه
تحت الصفصافه
وزقزقة العصافير
والأحبه رايحه وجايه
وحمص الشام
وترمس زمان
بحبك ياأمى
وأفديك بولدى ودمى
ياحته منى
ياحته من كبدى
ياحته من موال
موال الصبر
على الحال
حتى يتغير المحال
وإنت غاليه عليا
يامصر يا أم الدنيا
وأشوفك ذى ماإنت
عروس النيل
وست كل عصر
وأبو الهول واقف
من بعيد
حامى أهراماتك
وحامى بلادك
وفوق هرمك واقف
قلم التاريخ
يكتب على السطور
لأولادك وأحفادك
ويخلدوا حكاياتك
وعلمك بيرفرف
على أكتاف أولادك
والدنيا تيجى وتروح
وتشرب من نيلك
وترجع تانى وتقول
بحبك يامصر
بقلم عبدالمنعم عدلى