أميرة بقلم محمد البريمى

شعر غنائى ..
(  أميره )
 أميره بكل  الأوصاف .. لا ليها زى  ولا مثال ..

جمالها طبيعى و ربانى .. زى الغزال ..

نن العين يسحر  .. و الرمش كحيل قتال ..

و الشعر حرير مرمر .. و الخدود موال

        أميره بكل الأوصاف ..

ياجمال الخطوه و ماشيتها .. و العود ملفوف ..

و الضحكه الحلوه و طعامتها .. لحن و معذوف ..

لو شافها قلبى ميت مره ..  يموت م الخوف ..

ع جبينها شامه و علامه .. م لهاش وصوف  ..

        أميره بكل الأوصاف ..

غزاله ع الأرض بتتمخطر .. سبحان الخالق من صور ..

لو مرت ع الورد يفتح .. و يملا البساتين و ينور ..

لو همست بس بشفايفها .. الكون كله يتعطر ..

لو راحت ع السوق تتدلى .. السحابه تضلل و تمطر .. ..

         أميره بكل الأوصاف ..

بقلم الشاعر ..
محمد البريمى ..