الشاعر / احمد ابراهيم
********************
يكتب / متغربه بينا الساعات
***********************
كل الفصول متلوّنه لون الحداد
وانا قلبي واقف ينتفض اعلان سكات
نبض الأمل جوايه مات
وانا قلبي في ارض الجفاف
محتاج مطر بس الخطر
من كل جانب والأهات
وخده السنين فى وادي اسمه الذكريات
واه يا كل السنين وخده الحنين
والقلب مصلوب ع الجزوع القلب مات
من سنين اشلاء رفات
متغربه بينا الساعات
متغربه بين الفصول
متغربه فينا حاجات
مشتاقه لحبة فرح
بس الفرح اعلن سفر
متغربة شمس الحنين
وف السما باكي القمر
واه يا رحلة السنين مالهاش امان
حتى المكان مليان ركام
وفيها اشلاء من بشر
صورة بشر
ضحكة بشر دمعة قمر
ف الليل حزين
واه يا وادي الذكريات
والعمر فات اصبح مشيب
لون البياض اصبح قريب
من كل شئ
جسدي الضعيف محتاج طريق
محتاج شراع بس الضياع
والموج غريق
واه يا وادي الذكريات
اصبحت م الموت القريب
اصبحت تاية
عن وجودي
عن حدودي
عن مصيري
ونبض قلبي فى السما
اعلن خلاص لحظة سكوتى
لما مات الصوت بموتي
لما مات الصوت بموتي
***********************
بقلم الشاعر / احمد ابراهيم
ليست هناك تعليقات:
إرسال تعليق