قصيدة / (على حدودك )
________________
للشاعر المصري / احمد ابراهيم
___________________
متنكرنيش ولا تقولي عليا بخون
ده انا المجنون
وعايش بيكي الأحلام
فى الف منام
بعيش فيكى بعيش ليكى
في جنة خلد متهنّي
ده انا المفتون
ولو حتى الدموع مني
بتصرخ اه
على فاتحة كتاب الله
انا بسجد فى كل اذان
وحان الأن
اطويكي من الأحزان
وامسح دمعك النازف
وانا العازف على الاوتار
بغنّيلك من المواويل
وراسم صورة ف الميادين
ورافع فيكى راياتك وقرأنك
بسورة الفاتحه ف الجمعه
مع سورة ياسين تجويد
وانا راكع مع التشهيد
سلام الله على عودك
على حسنك
سلام الله على جسدك
على حضنك
سلام الله على لونك
حصاد امحك سلام الله
على عودك ده انا صوتك
على حدودك انا اسدك
مع الترتيل بأية الكرسي
بكتبها على حدودك
ولا يقدر شيطان يعبر
ولايعدي ده انا سدّك
وانا اسدك وانا نورك
متنكرنيش ولا تقولي عليا بخون
ده انا المجنون
وتاية من جمال حسنك
فى كل منام انا حضنك
وعايش بيكى الأحلأم
مع الايام يفوت الفجر ويعدّي
ويرجع بعده الف اذان
وانا الهيمان وده حالي
متنكرنيش ولا تقولي عليا بخون
ده انا المجنون وانا العاشق
وانا المفتون متنكرنيش
____________________
بقلم الشاعر المصري / احمد ابراهيم
ليست هناك تعليقات:
إرسال تعليق