الشاعر المصري / أحمد إبراهيم
* * * * * * * * * * * * * * *
يكتب قصيدة / طعم الفراق
*********************
كنت فاكر اني هقدر انسي حضنك
انسي ضحكة عمر فارد يوم ملامحك
لما كنت ابكي يجري
قلبي يحضن نبض قلبك
ليه فرقت ايدايه سبت
دمع عيني فوق خدودي
ويبكي قلبي ظهري محني
والله زاد ف عيوني دمعي
والله طال الليل وجرحي
ماله زي لما افتح يوم عنيه
ألقي صورتك فوق حيطاني
صورة بس بدون جسد
واللي باقي ذكريات
من ملابس في الدولاب
مرصوصه رص
والجسد أصبح تراب
واه يا أبويه م الفراق
اللي انكتب
افتكر انك تعبت
لما شيلت كتير همومي
لما اسرح جوة عينك
وابتسامتك فوق ملمحك مد مد
مد ايدك يوم وخدني
لحظه اسكن لحظه حضنك
اه يا ابوية م الليالي بجرحها
بالأهات وبحزنها
بعد منك مين هيحضن
أو يطبطب أو يقرب ليا حضن
والله زاد الحزن حزن
م الفراق لما شوفت
لما شوفت بعيني غسلك والكفن
واندهك ولا ألقي رد
فوق جراح القلب جرح
م الفراق والألم
ساكن فى قلبي يشد شد
يوم فراقك حزن عمر
بعد منك والله تهت
والله تهت واه يا أبويه
م الفراق ده البعد مر
والموت أمر
************************
بقلم الشاعر المصري / احمد ابراهيم
ليست هناك تعليقات:
إرسال تعليق