الشاعر المصري / احمد ابراهيم
************************
يكتب قصيدة / مع الحواديت (اهداء الي كل إنسان فقد أمه في غارة حرب القصيدة من وحي الخيال )
**********************
بتخلص الف حدوته
وانام في حضنك الدافي
واحلم باللي جاي بكرة
واعيش يومي واقول كافي
وايدك لما تحضني
وتملس على شعري
وطبطب على اكتافي
حبيبتي والله وحشاني
فرقتيني بغارة موت
واه يا دموع بترسملك بشوق أحزان
وتخلص دمعه من عيني
وتتبدل بحور بركان
وانا على قبرك الوردي
ويقرأ الفاتحه وادعيلك
ودمعي يسيل على خدي
وعرقي كاسي ده جبيني
وحشتيني وحشتيني
وحضنك والله واحشني وبتمني
تشوفك تاني يوم عيني
يفوت الليل وانا قاعد على قبرك
واندهلك واسمع صوت يناديني
واقول امي اللي بتنادي
واصرخ يعلى انا صوتي
واه يا حرب غدارة
بتاخد اغلي احبابي
واه يا سنين جفاف فارد بشوك موتي
وانده تاني يا امي أمتي تاني هتعودي
وتحكي ليا الحواديت
وانام في حضنك الدافي
ويجمعنا هناك البيت
واعيش وياكي في الجنه
والبس تاني لبس العيد
وحشتيني وبقول سلامات
انا ماشي وراجع ليكي يوم بكرة
وانام جنبك واتهني بحنان قلبك
واعيش ساكن هنا ف حضنك
حبيبتي يامه وحشاني
ده موت غدار غدر بيا بدون إنذار
وغارة موت ويصرخ صوت وريد قلبي
ويغرق دمعي ف عنيه
سلام الله علي روحك
على جسدك
على قلبك سلام الله
وانا لسه بعيش حواديت
على ذكري بعيش وياها انا لبكرة
سلام الله على روحك
سلام الله يا أمي سلام الله
**********************
بقلم الشاعر المصري / احمد ابراهيم
ليست هناك تعليقات:
إرسال تعليق