حسن رمضان ـ كبير باحثين بالوعظ بالأزهر الشريف

الخميس 20/4/2017

\\\\\\\\\\\\\\\\\\\\\\\\\\\\\\

توريث !

شايفك بتجرى وبتقسِّم

وتخص ناس قصدك تِحْرِم

وتقول ده مالى وحر انا فيه

يعنى انت من ربك أعلم 

وناسى إننا ملك كريم

رحيم ورحمته تتكلم 

لما نويت تحرم وارث 

وحرشوك علشان تظلم

وصفوا بيك حسابات مع ناس

ودخلوك قلب جهنم !

ياعم سيب مالك لله

بينا وبيك وبهم أرحم !

عدله وشرعه ف قسمته

وهتطاوعنى لو تفهــم

ولاحد عارف مين هيموت

ولاتلقى غير ربك أكرم

واللى نوى الحرمان محروم

ولاعندى شك انه هيندم !

حسن رمضان ـ كبير باحثين بالوعظ بالأزهر الشريف

الخميس 20/4/2017