الشاعر المصري / احمد ابراهيم
************************
يكتب قصيدة / يا ابن آدم
*******************
كل شئ في الدنيا فاني
لو أماني طلعت فوق
يا ابن آدم بص قبلك
ايه تساوي الدنيا فوق
أصحى من أحلام غرورك
بكرة والله جاي دورك
مهما كنت ف يوم كبير
أو عليت بالدنيا فوق
والله نازل ف التراب
مهما زاد الوهم لازم
والله طعم الموت تدوق
يا ابن آدم ليه غرورك؟
ليه فجورك ؟
ليه بتعشق الجحود ؟
ليه بتظلم ليه بتقتل كل شيء؟
وللشيطان دايما سجود
يا ابن آدم بكرة موت
يا ابن آدم بكرة موت
يا ابن آدم بكرة موت
وافتكر انك عدم
شئ ومنسي فى التراب
بالتساوي بين فقير أو أمير
كله لابس توب حداد
والله يوم الموت بيسقط
كل اسمك
كل جاهك
كل مالك
كل ملكك
كل خدمك
بص قبلك م الملوك
يا ابن آدم اصحى فووووووووق
وافتكر انك ضعيف
مهما كنت ف يوم قوي
بكرة صفحة مجد كبرك
ويه ملكك تنطوي
والله فيه ملك الملوك
هو أعظم والقوي
أصحى فوق يا ابن آدم أصحى فوق
****************************
بقلم الشاعر المصري / احمد ابراهيم
ليست هناك تعليقات:
إرسال تعليق