الشاعر المصري / احمد ابراهيم النجار
*******************************
يكتب قصيدة / دمشقي
**********************
أغضب أو متغضبشي
متحلمشي تعدي السور
ده ديب مسعور
هنا واقف على شطي
يلف يدور بكل جنون
وانا شايف شروق شمسي
بعيد واقفه وطال الليل
بقسوة عنيد
وانا لسه بجناح مكسور
واه يا زهور ودبلانه على دربي
واه يا ربيع بينزف خوف
ومات الورد فى مدينتي
دمشقي الأصل والعنوان
وانا الحلبي وانا الحمصي
واه يا مدينتي فين شمسك
وفين ياسمينك المزروع
وفين فرحي ده تاه مني
بدمعة حزن اوجاعي
بينزف جرح من حزني
انا المصري اللي داب فيكي
وكتب ليكي سطور عشقي
انا مصري بتكويني
وانا دمشقي
واه يا سنين زمان فاكر
جنود الشام
وكان سليمان هنا الحلبي
يا بلد المجد مدبوحه بصرخة حزن
ومظلومة على شطي
واه يا شمعة متقادة
على قبر الحداد دمعي
واه يا وردة مقطوفه
ومنداسه على دربي
واه يا سنين بجرح ومر ومش بتمر
وكام من ديب هنا دابب على أرضي
وانا المسجون وعالي السور
ولسه بعيد شروق شمسي
أغضب أو متغضبشي
متحلمشي تعدي السور
ده ديب مسعور
على حدودي على شطي
وجوه حدودي نار قايدة
وانا المحروق بنار يأسي
أغضب أو متغضبشي
خلاص الوقت فات لكن
اكيد رجعه في يوم شمسي
وهكتب إسمي من تاني
واقول للكون انا الحلبي وانا الحمصي
انا السوري في صفحة مجد انا دمشقي
*******************************
بقلم الشاعر المصري / احمد ابراهيم النجار
ليست هناك تعليقات:
إرسال تعليق