بقلمي…. ابوالوفا ابوزيد… وفا
///////////////////////////////////////////
ولا بلقاه
من كل الناس مافيش غيره
من بين كل البشر بهواه
حبيب القلب واللهِ
ولا عمري عشقت سواه
عيرفت الحب علي ايده
هاويت الشوق في تنهيده
واسمه بيحلي ترديده
علي لساني وانا شيفاه
بقالهُ يومين ماكلمني
واحشني وبعده آلمني
ياخوفي يكون مخاصمني
طب اصالحه…. بس فين القاه
وبدور ولا لقياه
ياناس علي بعده مش قادره
دلوني فينه بس القاه
هموت من بعده علي فكره
دا هو وحبه ليا حياه
يومين ع الناس يعدوا يومين
وانا بشوقي يومي بسنتين
حبيبي جرحني دمع العين
ولا بهدا ولا بنساه
بقالهُ يومين ماكلمني
حبيبي وروحي فين انت
حبيبتك مشتاقه للؤاك
عيرفت القسوه من امتي
دا انا العطف عيرفته معاك
يومين ياما ودول اكتر
علي قلبي ومش بقدر
علي شوقي اللي بيكسر
ضلوعي طول مابستناك
بقالهُ يومين ماكلمني
واحشني وبعده آلمني
ياخوفي يكون مخاصمني
طب اصالحه
بس فين القاه
وبدور ولا لقياه
بقلمي…. ابوالوفا ابوزيد… وفا
ليست هناك تعليقات:
إرسال تعليق