............. تشيع جنازة الأمم المتحدة .......... ...
.............. ... الموت والحياه برميل ...... ..
........ ...... شعر / طارق عمران ..... ...... .
نشرت فى ديوان الوطنية فى إبداعات القليوبية بعد العدوان السافر على العراق ونعيد نشرها فى خمسين حلقة .... بعد العدوان على الجمهورية السورية العربية الشقيقة
....... ...... .. . .. . الحلقة الأولى ..................
أمم أمم يامتحدة
الرقص فيكى على الواحدة
إن كنتى لسة أمم صادقة
قرارات جنابك مش واحدة
أمم أمم يامتحدة
الرقص فيكى على الواحدة
شيعنا لجنابك حالا
ودفنا للعالم أجمع
بعد اللى حاصل قدامى
قوليلى إيه هيكون أبشع
أمم أمم يامتحدة
الرقص فيكى على الواحدة
ياأمم عليله ممروضة
قدرة جنابك محدودة
ع الغلبانين تبقى قوية
للأمريكان تبقى شهيدة
أمم أمم يامتحدة
الرقص فيكى على الواحدة
هشهق على العالم كله
وازعق بصوتى وهقولة
مافيش أمم وكلام فاضى
وآه من القهر وذله
أمم أمم يامتحدة
الرقص فيكى على الواحدة
إضرب ياغادر بقنابل
معاك تحالف بيقابل
الغدر فى قلوبكم ساكن
بيرمى وابل ورا وابل
أمم أمم يامتحدة
الرقص فيكى على الواحدة
ياأمم مافيش باين راجل
يخرج يرد وللجاهل
يرفض لقرا رات مشبوهه
فرضها ع العالم سافل
أمم أمم يامتحدة
الرقص فيكى على الواحدة
إن كنتى لسة أمم صادقة
قرارات جنابك مش واحدة
..... طارق عمران ... كفر شكر قليوبية
إلى لللقاء فى الحلقة القادمة
ليست هناك تعليقات:
إرسال تعليق