بقلمى : تميم محمد البسيوني
بعنوان ( زاد جوايا الألم )
زاد جوايا الألم
ولسه ياما هشوف
من جرح جوايا بينزف
عدى كل نطاق الحد
وقلبى من الحزن يصرخ
خايف يبطل نبض
زاد جوايا الألم
والحزن عليا بينده
كأن بينى وبينه وعد
وكل ما أمسك عنقود للفرحه
يفرط منى فرط
بس لسه يا حزن
بتحمل ومليان صبر
وقلبى عمره ما يذبل
طول ما فيه كل معانى الحمد
يا بكره يا إللى جاى
افتح لى شراع الأمل
وأنا اعدى وياك ألف سد
البحر لو موجه عالى
هيجى فى يوم يرميك على شط
بقلم : تميم محمد البسيوني
ليست هناك تعليقات:
إرسال تعليق