بقلم الشاعر#محمدلطفي_ابوالفتوح
شريط الذكرى ..............2018/1/23
ولقيتني وشريط الذكرى
بيلف الماضي ادامي
افتكرت امبارح لما كان بكرة
لما كان كل احلامي
شفت كل اللي بنيته
حطام طايح عالارض
وكل سد خطيته
وكسرته كسرني أه بجد
إفتكرت الدمعه الدموع
فجأة جريت عالخد
والقلب بنبضه الموجوع
ولا حد سامعه ولا حد
وقعت شمعتي م الشموع
ومحولاتي فشلت في الرد
والصوت العالي المسموع
بقى فاضي وكانه اتهد
وشريط الذكري ماشي هادي
بيقلب المك يا فؤادي
افتكرت الوجع شيء عادي
افتكرت الاحزان بتنادي
ارجوك لا تلف بسرعه
يا شريط الذكرى المدفونه
خليني في احلامي الخرعه
خليني في افكاري مجنونه
يا شريط بتفكرني بماضي
هو انا كنت امته نسيت
الماضي سابني وموش راضي
يتركني في حالي ياريت
يا دموع امته جفيتي
هاتلي ساعه فيها ما بكيت
هي الروح وكل حياتي
اطهر منها يا شريط ما لقيت
ابكي لحد بكره ياعين
سجل يا شريط الذكرى
ان انا بيها من المجانين
ولا لعقلي رجوع علي فكرة
الموت ارجوك قرب مستنيك
بعدها الدنيا ما تحلالي
للكفر في يوم كنت نويت
بس بحلم في الجنة تبقالي
يا شريط الذكرى امانه عليك
بلغها انها حب غالي
واني بجد لها وفيت
وكل ثانية كان عنها سؤالي
بلغها بعد موتي بسنه
علشان تهدا النار جواها
اكون تهت جواها انا
اكون حاجه تقدر تنساها
يا شريط ارجوك بشويش
اوعى في يوم تبكيها
ارجوك خليها تعيش
والفرحه مالية عنيها
ليست هناك تعليقات:
إرسال تعليق