بقلم الشاعر #محمدلطفي_ابوالفتوح
العين والقلب .............2017/12/19
العين بتبكي بحرقه
...........
القلب ......
لسه بتبكي ياعين
لسه سيلة دموعك علي حد موش حبك
بقالك بالدمع سنين
وازرفتي كتير ولا حسك
العين.....
انت اللي بتسالني ياقلب
موش عارف ان بكاية
بسبب المك وجرحك
في اغلي قصه حب
معاك انا م البداية
انا الصورة الواضحه لملمحك
القلب....
لية ما رفضيش
وبالعصيان ياعيني كنتي رديتي
كنتي صرختي وقولتي كفاية
سبتيني ليه اعيش
لية موش بالقوة صديتي
دورك ايه في الحكاية
العين......
اصرخ اقول لاء
وانت كنت لمين بتسمع
الحب عماك وعماني
وان كنت اعترض
في عز الويل بترجع
وتترد بالجرح تاني
القلب......
يعني مفيش علاج غير انك تطوعيني
انك علي وساتي في بحر دموعك تغرقيني
العين........
كيف اتحمل وانت بتتقطع
ومن عزم الالم
موش قادر تقول آه
واهك كتير اوي بتوجع
القلب.......
فعلا كنتي حس ابي
كنتي تعبير صادق
واتحملتي كل عذابي
وعارفه انه عذاب عاشق
العين........
اتحملت اه وبتحمل
ما هو نصيبي فيك قلب
رغم الجرح بيتكمل
رغمه مقتول في الحب
العين .......
هزني انك ركعت
واتذليت علشانه
وبعد الفوقه كام مرة رجعت
ووصلت لحد عنوانه
العين .......
شوفتك وانت مكسور
بدل المرة ميت مرة
تبات الليل مقهور
وشربت كل الكسات مرة
القلب ......
كفاية يا عين اسكتي
ارجوكي لا تجددي تاني الالام
في سكوتك تكمن راحتي
وفي يوم بتنسيني الايام
العين.........
اسكت !!!.....
تنسي !!!.....
لو سكت انا كيف بينام فيك البركان
وتنسي كيف الحب اللي بكتني عشانه اكتر من عام
انا خرصه بس اشوفك موش بتتألم
صدقني هسكت لوشوفت الفرح فيك علم
القلب...........
هههههههههههههه
ادي الضحكه سمعاها
عالية الصوت بتتكلم
شوفتي منظرها ما احلاها
راجعه علية بتسلم
العين........
لساك ناوي تغش
الضحك الاصلي بيبان
وبيغير رسمة الوش
وبيملي الفرحه الوان
العين.........
شايفه ضحكتك سودة
ضحكه مصدرها تمثيل اوتار
ما حسيتش فيها ولا نبرة بيضة
عمري في صدق ضحكت ما احتار
القلب .......
ياعين خلاص اسمعي
هنا الفراق بيني وبينك
سبيني يا عين وارجعي
احزفيني من كل تكوينك
العين.......
من صفاتي اني اصيلة
ومعاك في كل احزانك
زي ماخدت منك حاجه جميلة
عمري ما افارق مرة عنوانك
.........
وما زال القلب يتقطع من الالم
وما زالت العين تبكي بحرقه
........
شكر كل الشكر للاشتراك في الاداء الصوتي الشاعرة بسمة غدير
ليست هناك تعليقات:
إرسال تعليق