Hamada Mokhtar خاص بالمسابقة .. غنائية عامية
؛؛؛؛؛؛؛؛؛؛؛؛؛؛؛؛؛{ فين ياقلبي }؛؛؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛{ كلمات/ حمادة مختار }؛؛؛؛؛؛؛؛؛؛
وعدني وعد الحر .........
و الحر وعده دين .
أتاريه سقاني المر .........
هجر و جفا و أنين .
أسهر و دمع العين .........
سايل علي الخدين .........
أستني يوم يرجع .........
و قلبه ليا يلين .
قلبي تعب و انضر ........
لوني بهت و اصفر ........
وبقيت مجرد ذكري .........
ف طريقه لما يمر .
راحت وعوده فين ........
فيييييين ياااااااقلبي ..؟
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
وعدني مليون وعد ........
إنه ماهيسيبنيش .
أتاريه ناوي ع البعد .........
و لوعده مابيوفيش .
قلبي اللي حبه بجد ..........
قدمله سبت و حد ..........
وبنيت عليه أحلامي ..........
وف ثانيه حلمي اتهد .
أول مجاني الرد ..........
راحت ليالي الود ..........
وبقت مجرد ذكري ...........
بين الهزل و الجد .
راحت وعوده فين ..........!!
فييييييييين ياااااقلبي .
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
صدقت وعده كتير ..........
ماعرفشي ليه و إزاي .
م الفرحة كنت بطير ..........
لما يقوللي أنا جاي .
أتاري وعده هوا .............
خدرني زي الدوا ............
وصحيت لقيت قلبي ............
مكوي بنار الجوي .
حبي دبل و اصفر ............
علشان سقاني المر ............
وبقيت مجرد ذكري ............
ف طريقه لما يمر .
راحت وعوده فين .............
فيييييين يااااااااقلبي .
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛{ حمادة مختار }؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ليست هناك تعليقات:
إرسال تعليق