محمد فارس ابوعمار
/////////////////////
****اهم زييه****
***************
سلامه مدهون بالغش
وكلامه بميتن وش
وبيضحك والضحكه صفره
وم العين بيخاف ويكش
الكره ماليه من أهله
وللغرب ظريف وفرش
ماهى شجره أصلها مره
وفروعها تمد لبره
كان عندى زيك وأكتر
ماعملت حساب لبكره
ولاعمرى اكره حد
دا الكره يعودعلى صاحبه
مهما الزمن علاه
وعشان ما الحظ ادا له
خايف على اللى معاه
يبعدعن أهله ويهرب
الا اللى بيهواه
علشان مايمكن زييه
فى فكره ولا غناه
وعمر الغنى مايبقى
فى كترة مال ولاجاه
أما اللى بيبعد عنهم
م الخوف ليكونوا حسداه
كبرورجليه شاليلاه
وبينسى اللى رباه
ماكنا قبلك مالكين
وسلامتك كنت فين
عاملنا الناس بطيبه
وكنا متواضعين
والدنيا مادايمه لحد
اهى دارت بينا ولفت
وبقينا منسيين
تتعالى ع الناس وبتنسى
اصلك مايه وطين
والكبربيهلك صاحبه
ويجيبه اسفل سافلين
اعمل مابدا لك يابنى
ماهو كله سلف ودين
ليست هناك تعليقات:
إرسال تعليق