قصائد قصيره ( 25 ) *** بقلم السيدابوطاحون
*********
وقلبي جايبها م النويه
عشقت الصمت والريبه
وفين يا بحر هتسافر
مادام النحر كان واعر
ولسه الموج مش قادر
وأفتي المفتي بالتوبه
*********
ساعات الصمت يخدعنا
غيطان الفرحه ما تساعنا
وبرضه ساعات يجمعنا
يقول كلمات لها معني
كنوز الدنيا ما تساوي
كلام م العين يشبعنا
*********
متعلموش العيال
إن السكوت نعمه .
د احنا نهد الجبال
لو فتح الاعمى .
و الأعمى اعمى اللسان
مش اللى ضاع نضره .
عايش وميت جبان
مهما عِلي قدْره .
*********
الخوف يخاف يخش في قلوبنا
طول عمرنا شهدا نموت واقفين
إحياء في جنة ربنا دوبنا
ومصر تصحي تنادي يا فلسطين
*********
عيون حبيبتي بحر حنيه
ازاى بقينا للعدا حراس
حمامتي وآنا روحين في بنيه
مين جهز الأسوار عشان ننداس
*********
وتركب عيون الفقاري القمر
تزور الجبال
اللى من غير جدور
وتدعيها لما يدور الخطر
توارب بيبانها
لبدر البدور
وعند احتدام السيول والمطر
تبان الخيانه
اللي راكبه الفجور
*********
يا نجوم قولو لها فوقي
القمر سلم عليه
يا حبيبة قلبي روقي
لسه فيه في البحر ميه
افتحي قلبك ودوقي
الغيوم تهجر عينيه
اللي جاب الحزن سوقي
عندي ماله اى ديه
*********
لو تبوحي ..الهم كل
افتحي قلبك و روحي
ع الحقول مليانه فل
حطي جرحك فوق جروحي
لسه فيه للشجره ضل
افتحي قلبك يا روحي
بكره جي بأحلى ضي
*********
الأكيد أن حضنك احلى عيد
والاكيد ان موجك لما يوصل بالجديد
وأن لمسه من شفايفك شئ فريد
وأني يرجعلي شبابي بالمزيذ
*********
شباكك الفرقان
في الماضي
عايز يتسك
وتفتحي قلبك
لنسمة العصريه
يقوم ينفك
و تخطفي فارس
لابس ابيض
حصانه ابيض
وقلبه ابيض
يموت الشك
يصحي الجمال
اللي راكب
فرحة المواويل
*********
ميت مصيبة وألف حوسه
فيكي تنزل يا بلدنا
ع اللي ما يزرعش كوسه ..
هي بتكبر ولادنا
وتزود لبن الجاموسه ..
يا بلدنا يا عروسه
يا اللي في ليلة زفافك
سبكولك محشي كوسه !!!
*********
يا ضاربين الودع
مين اللى قتل الجدع
يا شاربين الوجع
مين اللي فينا انخدع
*********
#قصائدقصيره(25)
ليست هناك تعليقات:
إرسال تعليق