//////////////////////////////////////////////////
رساله ...........2017/1/29
الي من يهمه الامر
/////////////////////
تركت الكون من اجلك
تركت الضحكه والفرحه
من اجلي قرر علي مهلك
لا تتسرع في احكامك الجارحه
لا تجعلني اضحوكه
وفرجه لناس ما تسواش
اعدلها كفايه معوجه
الدنيا من غيرك ملقيتهاش
رجعلي البسمه عالشفه
طمني ياقلبي يا هوايا
علي باب النار وعالحافه
صعبه جدا الحكايه
ريحني وطمني برساله
او ابعتلي بس اشاره
بركان في القلب باهواله
مستني منك بشاره
ان شفت رسالتي وحنيت
اكيد هيرق قلبك ليه
اتمني لو رديت
تزيل الدمعه من عنيه
لخاطرك والله بحارب
حسسني ان انت مستني
لسؤالي مره جاوب
علي نفسك بس طمني
محتاج اعرف اخبارك
يا جوايا اغلي من النني
مشتاق لحروف اشعارك
والبعد والله مجنني
رساله مكتوبه من قلبي
مبلوله بدمع العين
ميهمش بس كون حبي
اللي بيه ما ببقى حزين
مستني الرد مطمن
اني موش هاهون
يارب الكون يا محنن
حننه عليه انا المجنون
مجنون في همسه لمسه
في صوت كما الكروان
في حبه اغمس غمسه
مهما اشرب علي طول عطشان
حن عليه اكفيني
بشعاع من نور
بضي الامل غطيني
خليني ابات مسرور
كفايه ذاد بيه الالم
والقلب في بعدك مهموم
اكتب عتاب بالقلم
ابعتلي رساله لوم
كفايه قلبي انظلم
ظلم غير معلوم
امسح بكف الايد
جفف الاحزان
بلاش حبيبي تذيد
طمني بس الان
والله وانت بعيد
عليك علي طول قلقان
ليست هناك تعليقات:
إرسال تعليق