بقلم الشاعرسيد عبدالوهاب
ياصيّاد
يـاعم يـاصيـــّاد
علمنى رَمْى الشبك
يمكن فى يوم اصطَاد
جِنيّة وسط السَمـَك
علمنى معنى الصبـر
لو يـوم رزقى قَلِيــل
أعشق جمال البحــر
واسكن ضِفاف النيل
علمنـى ازاى اعـُوم
جُوّا بُحـور الخيـــر
يمكن يجيلى يــوم
أبقى صيــاد كبيــر
عايــز أبقى قَنُـــوع
ولا يـوم تِتمّد إيــدى
ولا يوجعنيش الجُوع
ولا يبقى الكلب سِيدى
مش عايــز أىّ مـــَال
طمعان بس ف حِنيّة
ورزقى يكون حــَلال
ولُـقمة تـكون هنّيــة
...........
ليست هناك تعليقات:
إرسال تعليق