((( ذمم خربانه )))
كل شئ بقى بالحلفان
أحلف علشان تتفتحلك كل البيبان
وأبرز علشان تمشى
ولاأنت عجبك وقف الحال
خلينا الحق باطل
والباطل بنا ظاهر
وكل شئ جايز
فى شرع الإنسان
دا ماكنش يستجرى
على دى أفعال إلا أبن الحرام
ماكلناعارفين وبعيونا شايفين
شطآن الأنس أقوى علينا من شطآن الجان
حبسوا الحق وعملوا عليه سجان
فى دنيا الحلف فيها
بقى على الباطل وعلى البهتان
وشهادة الزور وخدنها نيشان
بروزناها وعلقناها على الحيطان
وختمناها بختم الضلال
ولسا ماشبعناش من أكل الحرام
ياويلك ياأبن آدم فى يوم لما الحقيقه تبان
والحق يظهر ظهور الشمس فى عز النهار
ياأبو ذمه خربانه
خساره فيك الكلام
الكلام يتقال فى حق الرجال
مش للشطآن
بذمتك بذمتك
أنا عايز أسمع كلمتك
بذمتك أنا راضى بحكمك وكلمتك
أنت أدرى بأصلك وهمتك
أنا ظالم ولا مظلوم
ليه الحق يكون مهضوم
أنا شايل هموم الكون
ومفيش ولاكلمه تنصفنى
وترجعلى حقى ياناس
ربك شاهد ربك موجود
وبكره الحق يرجع ويعود
وأنت الخسران ياأبو قلب جبان
وساعتها هتطلب شفقه وأحسان
أه يازمان
بقيت الذمم فيك خربانه
نصيحه منى
خد بالك من الناس لاتخدك على خوانه
وساعتها تقعد وحدك تقول أه يانا
كلمات/محمودصلاح السيدد24/4/2017
ليست هناك تعليقات:
إرسال تعليق