[ الحكومه ]
حكومتنا مش بتحن
لو جابو ناس م الجن
معقوله يوم هتمن
لو حتى مره علينا
معقوله دى حكومتنا
لو عشنا يوم أو موتنا
أكيد ف يوم هتفوتنا
وف داهيه هتودينا
ناسيانا ليه ف الزحمه
لو شوفنا مره اللحمه
هتجوز علينا الرحمه
والموت هيشمت فينا
غللو علينا الموت
وتوهنا ف الملكوت
هرقع كمان بالصوت
بتبكى ليه ياعنينا
عينى عليك يافقير
كان نفسى أطلع طير
بجناحى أجرى واطير
والرزق يوم هايجينا
خللى التكال ع المولى
لو كل يوم وعلولى
هو الكريم الأعلى
من كرمه هيكفينا
أوعاك تبات زعلان
ياخويا يا إنسان
لتموت ف يوم قهران
وألآخره تبكى علينا
[ نبيل الوردانى ]
ليست هناك تعليقات:
إرسال تعليق