فوبيا البشر

أَيوَا خَايف عندى فُوبيَا

مِن الحياة وِسط البَشَر

أيوَا خَايف مِن كلَامهُم

حتّى بَقلَق مِن سلاَمهُم

كُل نَظرَه جُوّا عِينهُم

فِيها مِيت أَلف خَطَر

أيوَا خَايف مِ البَشَر

وبَخَاف قَوِى مِن حُضنهُم

مِن فَرحهُم مِن حُزنهُم

وازَّاى اصَدّق حَد فيهُم

والكِدب أصلاً إبنهُم

خَايف اعيش جُوّا بلادهُم

حَاسِس إنّى بخِير فِ بعَادهُم

قلبى دَا زّى الصفحه البِيضا

خَايف تِتلَوّث بِسَوَادهُم

أيوَا عَاوز أبقَى وَحدِى

يِبقَى بِينى وبِينى عَهدِى

أَبكِى بَس عَلَى نَفسِى

يِبقَى لِيّا وَحدِى سَعدِى

خايف ابكِى كُل دَهرِى

جَرح تَانى يزِيد فِ قَهرِى

أيوَا خايف وانا بِينهُم

أَلقَى سِكّينه فِى ضَهرِى

بقلم /

 سيد عبدالوهاب