قصائد قصيره ( 6 ) بقلم السيدابوطاحون
************
ليالي الضلمه تتعبنى
معاك محلاك يبان فنك
نجوم الكون تعذبنى
اجيلك ارتمى ف حضنك
ادوب و الرمش يغلبنى
ومعرفنيش انا منك
***********
يابت ياللى جمالك
زقزق العصافير
كان بس مالي ومالك
علميني اطير
***********
مرجيحة الاحتمال
لوحتى يفضل دقيقه
من عمرنا في النضال
انا عندى ليكم سؤال
يا فرقة الاندال
مين اللى شنق الحقيقه ؟!
ومن اللى خنق الخيال ؟!
*********
صباح جميل جدا
و الورد قام يدن
واللي يهين حبى
انا ادبحه حدا
*********
يا حلوه ياللى نداكى
دوب الدراويش
انا فى حضرة هواكى
الموت ما بيهمنيش
**********
انا بقالى سنين
بحلم اكون عصفور
يمكن اعدى السور
وانام فى حضن النور
**********
#قصائدقصيره ( 6 )
ليست هناك تعليقات:
إرسال تعليق