قولى مالك من صغرك والدمعه مابتفرقش خدك.
انا صاحبك وبعزك افتحلى قلبك يمكن ارجع ابتسامتك.
واكون سبب ف تحقيق هدفك يمكن افيدك واهدى من ألمك.
انا عارف إن الدنيا مش ف صالحك وكل شئ ضددك.
حتى اعز وأغلى شئ عندك هجرك وباعك وشوه صورتك.
بعد ماتعبت عشان تحقق حلمك وتحس بكيانك ووضعك.
ودا سر همومك وجرحك وماخليك مش ف وعيك .
وحاسيس ان مافيش حد جمبك بيراعى احساسك ومشاعرك.
حتى حبيبك خدعك وغدر بيك بعد ماعهدك.
لكن احب أقولك انك لازم تراجع نفسك .
وتعدى اى شئ كان سبب ف فشلك ونزول دمعك.
عشان تقدر تمارس نشاطك وعملك وابعد عن اى شخص بيحاول يضرك.
وحسن من تصرفاتك وإنسى اللى غدر بيك وخدعك.
اكيد هاتكون بدايه جميله لنجاحك وتحسين صورتك.
يمكن انجرحت ف قلبك لكن ممكن تعوض خسارتك.
انك تتجه لربك وتحاول تحل مشاكلك .
وتشوف إيه اللى يناسبك ويكون الدافع وسر سعادتك.
ومسيره ف يوم يرجعلك ويتمنى منك كلمه تسعد قلبك.
انا عارف انه شخص مايستهلش دمعك لكن احمد ربك.
ودور ع إنسانه تحبك وتخاف ع مشاعرك.
بعد ما تحسن وضعك وكل حاجه تكون ف صفك.
اوعى تيأس من رحمة ربك دا إختبار وانت وشطارتك.
انا صاحبك وعارف ازاى كلامى بالنسبالك ينفعك ويقوى من رجولتك.
دى دنيا واللعب فيها يخليك تخرج عن وعيك.
اسمع كلامى هاتلاقى الأمل بينتظرك وربنا هايحقق حلمك....
الشاعر طاهرمختار
شاعرالعصر.....تحيا مصر
طنطا.كفرالزيات.اكوه
انتظروا الجديد
ليست هناك تعليقات:
إرسال تعليق