درة العاشقين ***بقلم السيد ابو طاحون
**************
ينادي اللحن ع الكلمه ..
يدوب الحب فى الغنوه
ينط الموج على السكه ..
واتارى البحر
كان مخدوع
وكان ممنوع
يفوت البحر جوا الدار ..
يحس بنفحة النعمه
وبالنغمه بتتناغم
ضفايرها مع الأشجار
نقوم نتوضي
ونصلي صلاة الشكر
تموت الريبة والخيبة ..
ونقسم قسمة الحلوين
***************
عمري وانا بجري
من قبلى من بحرى
طاير مع القمرى
والحلوه دى قمرى
وسكتى وقدرى
نامى على صدرى
واتغطى برموشى
وريحى رموشك
يادرة العاشقين
***************
دلوقت جا دورك
تنزلى سورك
وتفتحى قصورك
وتفردى مطرك
وتكتبي سطرك
اروينى من نورك
وجهزى جيشك
وكلنا جيشك
يا حلوة الحلوين
****************
ليست هناك تعليقات:
إرسال تعليق