ده كلام ؟!
البنت لابن عمهـــا ......... لو حتى يتقل دمهـــا
لو فيها عيب وعانس ....... طبعاً قريبها يلمهــا
......................................................
لو فيها خصال جميلة .... تبقى عليك مستحيلة
ويوافقوا على جوازها .... لما تكون هبيلــــــة
.....................................................
مهيش فرض عليك .... طاوعنى الله يخليك هو الجواز يبقى كده ؟ .... ياعم فتح عنيك
....................................................
عشتوا كما الإخوات .... وفــات العمــر فــات
لو تملك كام فدان ..... ماتحلى مر الساعـات
.....................................................
جبتوا لنفسك بإيدك ..... وأبوها هيبقى سيدك
شراك بالمال وباعلك .... بيعة وياريت تفيدك
....................................................
تبكى فى يوم وتقول ..... حماك يابن الأصول
إلحق واقع فى ورطة .... وبالى بيه مشغول
....................................................
وطاوعتهم غرقوك ...... ضحكوا عليك جوزوك
ومش قاعدين معاك .... بعـــد الجـــواز فاتـــوك
..................................................
ابنك هيكون ضحية ....... لجوازك انت وهى
العلم قال كلمتـــــــه ...... رأيى بلاش الأذية
...................................................
اركب رجليك مش راسك .... وطاوعنى ومتعندش
مش قصدى لكل حالة ..... فيــه ينفــع وماينفعش
حسن رمضان
ليست هناك تعليقات:
إرسال تعليق