حكاية شعب مصر اللى عاش ع المحبه
بالشهد وبالدمــــــوع
صليب هـــلال الكل إخوة فى الوطن
محمـــد واليســــــــــوع
مسجـــد جنب الكنيســة والكل فى دينــــه
ولله الخشـــــــــوع
والأمن والأمان فى كل مصرفى مد ينة
أوفى قرية أونجــــوع
ومناسبتين فى العام هجرى وميلادى
فى حبهــــا مجمــــــوع
والكل فى نشوى سعيد من فرحته
قايد لنفســــه شمــــــــــوع
متجمعين فى فرحهم أوحزنهم حب
ساكن قلبهم بين الضلـوع
بس يا خساره العدا دايما لنا متربصين
قلبوا الفرح لدمــــوع
بمؤامرة مكشوفه حقيرة على أخواتنا
راح فيهــــا جمــــــوع
فاكرين حيفرقوا بين شعب واحد
بمؤامرة وإنفجار مـــرووع
والكل استنكروا بشده وبأعلى صوت
وبصوت صداه مسموع
مش مهم مين اللى عمل ؟ قواعد أو دواعش أو موساد
مش هوه دا الموضــــــوع
المهم إن الضحية هوا إبن مصــــر مسلـــم
أو مسيحــــــي الكـل فى واحــــد
أكـلـــــــوا من خيرها وشربــوا من نيلها
وكلهم فى حضنـــــهامجمـــــــوع
والأم مصــــر بأعلـــى صــوتها للعالـــم
بتصـــــرخ صـــــرخة مـــــداويا
بتقولهم دول كلهم أولادى وعمري مافرقت بينهم
ان كان صليب وألا هلالـيا
أصل الحكاية حزينه كل العدا عايزين فتنه
بينكـــــم ليشمتوا فيكــــم وفيــــا
وبأعلى صوتها بتقول للعدا والحاقدين اللعبة
مكشوفه واضـــحة وعلانــــيـا
مهما حاولــتوا توقعوا بينهم أنا واقفة بالمرصــاد
وخداهـــم فى حضنــــــي
أسقيهم من حنان نيلى وأكلهم ود ومحبــــــــة
دأنا اللى ليهم وهما اللى لــــيا
وأوعوا تفكروا إن ممكن فى مصر يكـــــون
فيه جنوب ســـــودان تـــــانى
لأن شعبهاواعى صليب هلال إخوة فى الوطن
ربك صاينها فى الذِكر محميا
ليست هناك تعليقات:
إرسال تعليق