مش هتموت
اتخلقت بس عشان تعيش
ام العلما والدراويش
عايشة ما بين كلام وسكوت
بس بلدي مش هتموت
طول ما فيها النيل بيروي
طول ما فيها شمس بتضوي
طول ما فيها ام بتحوي
ارض الحنة وشجر التوت
حارسها المولي ومش هتموت
يالي كنت عليها حاكم
ابدا دانت ليها ظالم
نهبت شعب كله مسالم
واتحججت باكل القوت
بيك من غيرك مش هتموت
وانت يالي عليها حاني
قالو عليك انك جاني
عمر الحب ما يبقي اناني
شعبك حر بيحبك موت
رفض الذل ومش هيموت
جيشنا ياغالي يا حامي بلادنا
فخر لينا ولاولادنا
هات الهنا والنصر قصادنا
تحيا مصر بعلو الصوت
هتعيش بلدي ومش هتموت
ليست هناك تعليقات:
إرسال تعليق