♥ مصريتنا 
♥
♥
نفس مشاعرك هى
مشاعرى
حتى الدم ما يخترناش
ماشى ف نفس السكه وعارف
إن الخاين م الأوباش
أللى بطبعه الحقد فدمه
ماشى بينشر غدره وسمه
لكن غدره مايوجعناش
مينا أخويا وغصبن عنك
بينى وبينه ملح وعيش
عابد ربه بكل سماحه
وف وسطينا دايما عاش
ليه بنحاول نسفك دمه
ربك خالق ناس أجناس
فيها الحب وفيها وحوش
عمر العدل مايوم يختل
ولا هيفكر يومها يحوش
ولا هيحدد نوع الناس
كلنا آدم كلنا حوا
كلنا خلق الله ياخوانا
هو الحاكم على أعملنا
بس شيطانك ليه وسواس
بعض ساعات بتغرر بينا
وتفهمنا بإن التقوى
شكل وبس مفيش إحساس
♥ نبيل الوردانى
ليست هناك تعليقات:
إرسال تعليق