الشاعر جهاد حداد
تحياتي
=================
شفايفك العسل
يا عمري انت منتج رباني
لما أمرض من الشوق
وأتعب من حناني ترويني
شفايفك العذبه مالي غيرها دواء ثاني
شبابك مشتعل
وانا الروح بي جمدانه
تعال وذوب الثلج
واطرد برد احزاني
وأغمرني بحنانك
وذاك اللهب بجناني
وخلي زهوري تتفتح بأجمل الالواني
واركي راسك على صدري
ونامي
ما غير عشقك بالهوى عمر يتحداني
أموت عليك لا تلوعني بالسهر
وتهجر أحلامي
لا توخذ العقل
وتسلب مني نومي
وانت الاحساس
والشعور الرباني
أحسبني المجرم بحبك
وأحكمني أعدامي
وهنيا أموت لو قدرك جاني
مالي بديل بغرامك لو الكون جفاني
انت شمعتي اللي نورت ظلمة أحزاني
شلون يوم تفكر تنساني
وسنين الظيم تطش بروحي
ووجداني
ولو ضعت ما يكون غير قلبك أوطاني
وما غير هواك أحياني
ما أقدر بعدك صرت نبضي
والدم بشرياني
وأختنق لو انت ماتتنفس كأني بصدر ثاني
شلون بعد ما أدمنت هواك تفناني
حبيبي انت
والعمر لحظة
ويمر بثواني
ياخليل القلب دخيلك لا تضيع الاماني
ترى اطول حلم ما تعدله غير ثواني
وانت حلمي
وأنا معلق عليه كل الامال
والله بس اللي بهواك بلاني
والله بس يشهد انه ما غيرك بحياتي
وانت منيتي
والامل اللي بالكون أحياني
شلون تخليني ذكرى
وتغرقني ببحر النسياني
والحياة كلمات
الشاعر جهاد حداد
تحياتي
في 4/5/2018
ليست هناك تعليقات:
إرسال تعليق