بنت الأصول بقلم محمد البريمى

( بنت الأصول )
بنت الأصول  م تبعش حبها .. لو بكنوز المال ..

وتن صايناه ف قلبها ..  لو كان قلبها له ميال ..

و تضحى بعمرها عشانه .. و تبيع الروح ..

و تصونه  العمر كله .. ولا يوم تبوح ..

            بنت الأصول ..

بنت الأصول م تفكرش ..  تعلن الحرب عليه ..

مدام غوياه و شايفه .. إنه بيحبها قد  عنيه ..

بنت الأصول لو بتحب .. م تخدعوش ..

بكلام خداع .. أى عاشق   يقبلوش ..

           بنت الأصول ..

 الحب عمره م كان لعبه .. عشان نلعب بالمشاعر ..

و نجرح  قلوب بتحبنا .. و نقول دا جبر خواطر ..

بنت الأصول م تستخباش ورى عبايتها .. و تدارى أسرار العيون ..

مهما كانت حلوه جميله .. لازم برضه تخون ..

           بنت الأصول ..

بنت الأصول م تفرطش ف قلبها .. للقاصى و الدانى .

مدام باقيه .. على حبها الأولانى ..

بنت الأصول تفضل أصيله .. و تحافظ ع الوداد ..

م تساومش على حبها .. كأنه سلعه ف المزاد ..

           بنت الأصول بقلم محمد البريمى