إنتى الأميره بقلم الشاعر محمد البريمى

 إنتى الأميره بقلم الشاعر محمد البريمى
إنتى الأميرة على قلبى .. و إنتى الحاكم و السجان ..

حقك تؤمرى و تحكمى .. م غير إستئذان ..

محدش له أمر عليه .. ولا سلطان ..

غير صاحبه الأمر و النهى .. اللى إمتلكت  الوجدان ..

           إنتى الأميره ..

قلبى بقى ملكك مش ملكى .. و تحت أمرك  و  بين إيديكى ..

ف أى وقت تطلبيه .. هيقولك شبيكى لبيكى ..

سمعآ و طاعه يا سلطانه .. و خلى الباقى عليكى ..

منتى حكمتى بأمر الحب .. م يغبش عن عنيكى ..

           إنتى الأميره ..

من يوم شافك .. و هو ماشى مستقيم ..

سهم الحب صابه .. خلاه عقيم ..

بعد م إتولد حبك .. و شاف النعيم ..

هيحب ليه تانى .. و معاه الحكيم ..

          إنتى الأميره ..

مفتاح الجنه معاكى .. و إنتى اللى  تملكيها ..

من غيرك إزاى هيطولها .. و يعيش فيها ..

بإيديكى تبنى حياته .. و بإيديكى تهديها ..

و بإيديكى تزودى آهاته .. و بإيديكى تداويها ..

           إنتى الأميره ..

بقلم الشاعر محمد البريمى