عيد سعيد بقلم عبد الناصر رجب

عيد سعيد بقلم  عبد الناصر رجب

كل ساعه وكل ثانيه
 بيكى إنتى عام جديد
واما بتهلّى ف سمايا
 شمس تطرح ألف إيد
إيد تشيلنى من همومى
 وايد تاخدنى من بعيد
وإيد تصبّح فوق جبينى
وإيد تكسر فى الحديد
وإيد تغمّس من شفايفك
همس للمشتاق لعيد
---
لمّا فى عيونك أسافر
 أبقى مش ناوى الرجوع
وامّا بتكلمنى عنّك
ساكته ليه ضمّه الضلوع
لسّه خايفه من حنانى
هوّه مين يقصد دموع
كل ساعه وكل ثانيه
 بيكى إنتى عام جديد
---
كل شاعر ليه حبيبه
 فى الخيال راسمها صوره
ليل نهار يحلم بطيفها
 والحقيقه هيّه صوره
بسى إنتى حاجه تانيه
عدّت الخيالات بصوره
---
أغمرينى بحضن دافى
 عطّرى الدنيا بوجودك
وافرشى فى الأرض حسنك
 واعزفى الألحان بعودك
واسمعى منّى غناكى
وارجعى محتاج وجودك
كلمات عبد الناصر رجب