بطلت أحبك بقلم محمد البريمى

 بطلت أحبك بقلم محمد البريمى
 بطلت أحبك و أكتبلك شعر  .. لقيتك ما تستهليش ..

خسارة فيكى كلمه بحبك .. لأنك م تساويش ..

إشطبينى من حياتك .. و سيبنى لحالى أعيش ..

اللى باقى من عمرى .. يدوب ما يكفيش ..

          بطلت أحبك ..

كفايه اللى ضيعته معاكى .. ف  هجر و عذاب و فراق ..

عايزانى آآمنلك تانى  .. بعد م خانتنى الأشواق ..

ونا فاكرك بتحبينى  .. و القلب مليان أشواق ..

أتارينى كنت بحلم  .. و الحلم كان سباق  ..

          بطلت أحبك ..

معقوله قلبى يحن تانى .. ليكى و لسهر الليالى ..

و  النوم  يخاصم عنيا .. و الدموع تحلالى  ..

م بقاش ليكى ف قلبى حنين .. حتى خيالك راح من بالى ..

ما تضيعيش  وقتى ووقتك .. أنا قلبى صبح خالى ..

          بطلت أحبك ..

حبيتك فوق ما تتصورى .. و كنتى مرادى و مأربى ..

كل ما أحاول أقرب منك .. تبعدينى عن طريقك و توهى  ..

و أما آجى أسألك عن حبك .. تحسبيها قبل م تكدبى ..

يلى م صعبش عليكى قلبى  .. شوفى عذابه قد إيه و إحسبى ..

          بطلت أحبك  ..

بقلم الشاعر ..
محمد البريمى ..