الجمعة، 23 أغسطس 2019

سهران بفكر فيك بقلم أسامة جديانه

سهران بفكر فيك
منايا المحك
أكتب رسايل ليك
وخايف أجرحك
أحاول أتصل بيك
وبكلمه أفرحك
لكن خايف عليك
محتاج استسمحك
يمكن أقلق منامك
وبسببي أسهرك
أو أهلك ينهروك
مين اللي بيكلمك
ماأنا قلبي ملك إيديك
اطلبيني واسمعك
وبكلمه تطمنيني
وبقلبي ألمحك
ياحب عمري وسنيني
هزورك فى احلامك
واكلمك وتكلميني
لكن مش هقلقك
أنت ليه بتسهريني
ومش قادر أندهك
مريت على بابك
مالمحت غير ضيك
ساطع من الشباك
فى ليلي ساطع شمسك
مشتاق أسمع صوتك
بس خايف أسهرك
                      (((أسامه جديانه)))

ليست هناك تعليقات:

إرسال تعليق