رسالة من شهيد يوم العيد بقلم محمد جمال فايد

.....رسالة من شهيد يوم العيد
متزعليش يا ماما خالص
................والبسي قومي الجديد
وعيدي مع كل أهلي
..................لأن اليوم ياماما عيد
وأنا هنا في الجنة عيدي
............وبين الملايكة كمان سعيد
وافخري وسط الحبايب
......وقولي أنا أم البطل أم الشهيد
إللي فدا وطنه بروحه
................ورأيه دايما كان  سديد
وكان في الحق راجل
...............وفي المعارك كان شديد
لأنه عارف إن  ربه
............أقرب إليه من حبل الوريد
وأخلاقه كانت في العلالي 
........وأسلوب حواره راقي و فريد
ودي رسالة م الجنة ليك
.......... توصل لقلبك  من غير بريد
مضمونها يا ست الحبايب
......شوقي إليك يوم عن يوم يزيد
لكن حبي ليك جارف
..................واتمنالك  العمر المديد
لأني ساكن جوه قلبك
......وعمري ما كنت عن عينك بعيد
وإللي أنا فيه دا من رضاك
..............ورضا رب العرش المجيد
لأن إللي يحبه ربه
..............يكتب له إنه يموت شهيد
................مع تحيات..................
...........محمد جمال فايد............
.......جمهورية مصر العربية..........
.كفر شبرا زنجي الباجور منوفية...