المصري بقلم/ (شرين سعد أحمد)

قصيدة ( المصري)
 بقلم/ (شرين سعد أحمد)
 شاعرة جنوب الوادي
#شرين_سعد_أحمد
****************
المصري الأصل صعيدي
ودم يفور طوالي
هتلاقي حسين وهريدي
واد عمه صيته يلالي
ولا زيه شهامة يا سيدي
وكرامته فوق في العالي
،،،،،،،،،،،
المصري بطبعه الزين
 حنية و يا كرامة
والعقل الراسي وفين
هتلاقي زيه شهامة
نادر ولا منه أتنين
ورجولته هى علامة
،،،،،،،،،،،،،،،،،،،
المصري بدمه السكر
ضحكاته يا ناس شربات
ولا شي لحياته يعكر
مهما كانت العقبات
يدي وفي غيره يفكر
من غير ما يقلك هات
،،،،،،،،،،،،،،
المصري يفوت في حديد
ويشل لك حمل جبال
وعزيمته تملي تزيد
واهو طول اليوم شغال
والهمة فيه بتقيد
ودا كنزه راحة البال
،،،،،،،،،،،،،،،،،،،،،،،،
المصري بوعد يوفي
 وكلامه حد السيف
ولا زيه  حد يكفي
راجل على عجب الكيف
وارفع بتحية بكفي
لاجله وكمان تصقيف
،،،،،،،،،،،،،،،،،،،،،
المصري زرع فدادين
والخير على ايده اهو  زاد
و الارض تشيله حنين
وترعرع  بالزواد
والبركة في حفنة طين
يرويها في كل معاد
،،،،،،،،،،،،،،،،،،،،
المصري صوم وصلاة
ولا عمره بيهجر جامع
بايمانه يتوب لله
ولا يمنعه عنه مانع
عايش برضا يا محلاه
والرضا هو دايما دافع
    ،،،،،،،،،