قصيده مخرطة الاخشاب بقلم خراط الاخشاب والكلمات الشاعر اشرف رمسيس

اصدقائى الاعذاء اللى عاوذ يعرف ليه اسمى خراط الكلمات يتفرج علي الصور وبعد كده يستمتع بهذه القصيده اللى فيها كثير من سيرتى الذاتية
ارجو ان تقراوها جيدا وتعلقوا عليها بكل صدق ووضوح
قصيده  مخرطة الاخشاب
بقلم خراط الاخشاب والكلمات
الشاعر اشرف رمسيس
غواص في بحر الخشب
اصل الخشب دوار
خراط وخرط الخشب
بالضفرة والمفحار
انا يوم سالت الخشب
والمخرطة دايره
دايرة وواخدة الخشب
وكانها طايرة
وريني شكلك يا خشب
ورينى مين زيك
رد الخشب قالى
انا زيى زي الزمن
يا ابنى الزمن دوار
هتلاقى منى الرخيص
واللى تحبه النار
واللى مسجون حبيس
فى فلنك تحت قطار
واللى يطوف البحر
واللى يشيله النهر
يا ابنى الخشب مشكله
يا ابنى الخشب مشوار
وساعتها انا رديت
طب بس متقليش
انا ورد عليه خشب
من كل دولة لون
سرسوع وحور ولمون
والارو ويا الزان
وخشب التوت والسنديان
والكل عالمخرطة
موزون وانا الوزان
ينزل سلاحي عالخشب
يديلو كام بوسه
والضفره تجرى وراه
وتدوس كمان دوسة
والمخرطة دايرة
والخشبة محبوسة
دايخة وكمان حايره
ايه راح تعملو فيا
انا قلت رجل سرير
او حته طبليه
ممكن اخرطك تحفة
ممكن اعملك فاذه
او حتى زهرية
الصنعة هي الاهم
لو شفتوا المشربيه
لو شفتوا جدودنا زمان
والمخرطه بالقوس
والنحله ام قيطان
مخروطه عالمخرطه
مليانة بالالوان
يامه لعبنا وكان
واتكسرت منا
وانا كنت لسه شاريها
ياله بقت ذكري
وهبا جه بكره
ولقتني بخرطها
حبتها حبتني
خلتنى انا فنان
خلتنى خراط خشب
معروف فى كل مكان
يخرط يوماتى الخشب
ويالف الاشعار
كل ما دار الخشب
وسلاحي زي النار
اكتب قصايد عجب
وخراطة بالاشعار
يا شعر بنشاره
يا دنيا دوارة
وخدانه فى مدارك
بتلفى ليه بينا
وخدانه قلقانه
نحتانه خرطانه
ومجرة التبانه
تملى ملفلفانه
تبقى يا تبانه
المخرطه الاكبر
والرب خارطنا
راسم خرايطنا
كلو بيخضعله
فى دنا لفتنا
بتلف شوارعنا
بتلف حوارينا
بتلفى يا دنيا
طب لفى وتعالى
وفى مره عاملينا
وخدينا للعالى
وتعالى صالحينا
ياله بقى تعالى
وخدينا علينا