ما عشناش بقلم عزالدين جبريل

ما عشناش
عشتى وعشنا ولا عشناش
حتى الحب معرفناش
ضاع العمر وعدى بلاش
علشان حاجه ولاتسواش
إللى يحب يصلى
يدخل جوه فى المحراب
فاكره الحب سؤال وجواب
كتر خيرك مفهمتيش
ولا يوم عشتى
ولا سبتينى أعيش
أصلك هبله مفهمتيش
إن الحب ع الشوق بيعيش
لاء وحياتك قبر مماتك
جاهز ليكى
وأنا مش هفضل مستنيكى
هفرد ريشى مهوأنا لي جناح
وهطير فوق ف العالى
وهعيش فى براح
مهو  ممكن أعيش سواح
خليكى لوحدك
وإلزمى حدك
علشان حدى معاكى خلاص
وأنا إيه يربطنى معاكى
أجرى أنا خطوه
وحوالى ميه بستناكى
علشان كده أنا بترجاكى
تبعدى عنى عاوز أنساكى
جايز أرجع أو مرجعش
بس فراقك مبيوجعش
الشاعر/عزالدين جبريل