احكى ياربابه بقلم عبدالمنعم عدلى

احكى ياربابه
بقلم عبدالمنعم عدلى..مصر
مالك ياربابه
بالحزن راجعه لينا
كفايا حزن وهم
حالنا مايسع أخبار
عن الحزن
هات ماعندك ياربابه
أنشد وأغنى
وأول كلامى
أصل على
رؤوف الأمه
محمد صل الله عليه وسلم
لسه جايه من لبنان
والوتر من شدة
البكاء إنقطع
حزين ليه ياوتر
هلك عنى السلطان
وأبحث عن بيوت فى الجبال
عن شابات وشباب
محسودون من الجمال
سرقوا منهم المال
وبيدوروا على
حقوق إنسان
صعبان عليا الحال
آاه لو عرفت
أكون ثعبان
لإتلفعت بكل الناس
وماتركت فيها
باغ ولاجبان
كدابين ياللى
ليكوا سلطان
على المائدة
محشى كلام أوهام
ونصفق ونناشد
كل من فى المكان
بالطمأنينه لأمن البلاد
شفت بعينى أوباش
دايرين فى
وسط الناس
بيزرعوا الفتنه
وبكرا تعرفوا
إن الربابه عندها كلام
غدار ياابن عمى
ياللى انت جارى
وبلدى تبكى
والبكاء وصل
عنان السماء
والمطر غضب
على ظلم الناس
ياواخد حق الناس
مسكين غلبان
بيدور على
قوة يومه
وإطعام الصغار
مات الضمير
والنخوه دفنوها
من غير كفن ولا صلاة
آاه على العار
مات الإنسان
أقصد اللى
كان إنسان زمان
ويبكى عود الربابه
ويقطع وتر الكلام
ونفذت بأعجوبه
من هلاك الوديان
بقلم عبدالمنعم عدلى